عذبينا وافرحى بقلمى / سهام ماجد

عـذبيـنا وافرحــى

ليــه يـادنيــا تعـذبينـــا ونــازلـة فـينــا نــأوره

كـل ما نجـــرى عـليـكى ترجـعـي بينـــا لــورا

دا احـنا يامـا شــفنـا منك إمتى تنســينــا بقــى

كـل يـوم تـأنبينــا يـاريـت تقــولى إيـه جــرى

*****

عـذبى فــينـا براحــتــك زودى فــينــا الجــروح

لــو حـاولنا نشـتكى لك عـرفيـنــا لميــن نــروح

عـلمـينــا إزاى معـاكـى بـالألـــم نـقـــدر نعــيــش

طـب كفـايـة .. نورعنينــا م البكــا قــرب يـروح

*****

حـظـنـا إن إحــنـا فـيـكى ولقـلـوبـنــا تجــرحــى

كـل ما نحـاول ننـسـى .. تعــذبيـنــا وتـفـرحـــى

لــو قـلنا حــقـك عـلينـا تــدوسـي مـا تـرحـمــى

انتى ليــه قـاسـية كـــده! هـِزِّى فينــا وطـوَّحِـى

*****

قــلبى خلاص صـبح حــزين وللـه منـك إشـتكى

نفسـه يفـرح إيه الحكاية حـاسس إنه ف معـركه

كتير بحاول أراضى فيكى وانتِ عنـى ما بتسألـى

دا انتى غلبتينى خالص إترمـيت ف حـضـن البكـا

*****

يـا دنيـا دايـرة بقســـوتك ع القــلـوب بتقـسـمى

ماســكه ريشـة الأحــزان ع الوشــوش بترسـمى

نفـسى أشـوفـك مـرة واحدة تمسحى دمع العـيون

تحـضــنى قـلب الحــزين .. وبالحـنان تتبـســمى

بقلمى

سهــ ماجد ــام

» يادمعة حـزن بقلمى / سهام ماجد
» بستان ورد سهام ماجد
» استقالتي بقلمي سهام ماجد
» جوايا صرخة ومين يسمع ؟بقلمي سهام ماجد